अरविंद जगताप
लेखक • दिग्दर्शक • गीतकार

अरविंद जगताप हे समकालीन मराठी साहित्य, नाट्य आणि चित्रपटसृष्टीतील एक ठळक आणि प्रभावशाली नाव आहे. कवी, कथा, पटकथा, संवादलेखक आणि गीतकार म्हणून त्यांनी आपली स्वतंत्र शैली निर्माण केली आहे. त्यांच्या लेखनाची वैशिष्ट्यं म्हणजे सामाजिक भान, ग्रामीण वास्तवाचं प्रगल्भ चित्रण, मानवी भावभावनांचा नेमका स्पर्श, आणि उपरोध, विनोद व अंतर्मुख निरीक्षण यांचा सुरेख समतोल. त्यांची साहित्य, सिनेमा आणि ओटीटी या तिन्ही माध्यमांतून व्यक्त होण्याची शैली स्पष्ट, थेट आणि संवेदनशील असून समकालीन मराठी भाषेला समृद्ध करणारी आहे. आणि नेमक्या याच कारणांमुळे अरविंद जगताप यांना अनेक प्रतिष्ठित पुरस्कारांनी गौरवण्यात आले आहे.